KEMAHIRAN BAHASA BALI III(MENYIMAK)

KEMAHIRAN BAHASA BALI III(MENYIMAK)

RINGKESAN PROSA BALI MODERN

DUANG LEMBAR

                              DOSEN: DR. Drs. I Gusti Putu Antara, M.Pd

OLEH

                                                   Luh Yantini

   (11.1.2.2.1.242)

                                       

PENDIDIKAN BAHASA BALI

JURUSAN PENDIDIKAN BAHASA DAN SASTRA AGAMA

FAKULTAS DHARMA ACARYA

INSTITUT HINDU DHARMA NEGERI DENPASAR

TAHUN 2013

DUANG LEMBAR

Semenge ento Ketut Puri sedek magarapan di paon, sedek magarapan teka pianakne sane madan Luh Murtini teka nagih bekel lakar majalan masuk, memene lantas nyeluk kantong tur ngenjuhin pis siu tali dogen , krana memene tusing ngelah sipelen ane len biin tur memene matakon jam teken pianakne, pianakne ngrahang suba jam pitu embuh dasa menit, lantas Luh Murtini ngencolang majalan masuk. Nanging memene nu ngalanturang magarapan ngoreng tempe dipaon, lan nasine suba ngkida lan pejange di duur mejane. Nasine ento nu makudus krane mara molas menit angkida.

Disubane ketut puri suud nyakan jam tengah kutus laut ia matanding saiban tur ngaturang saiban punika di paon, sanggah, lan di paumahan ipune. Disuudne ngaturang saiban ketut Puri biin macelep ke paon lakar madaar tur ngwadahin nasi lakar banga kurenene ane madan Made Gelis,Ketut puri ngorahin kurenane bangun krana ia suba nyemakang nasi tundena madaar, lantas kurenane nyautin ngorahin mejang nasine ento di duur mejane krane bin kesepan lakar daare mirib suba tengai.tur ngorahin kurenane ngalahin magae.

Jam kutus liwat lima menit ketut Puri uli jumahne majalan magae,ia suba ada atiban magae dadi pembantu di jero Dewa Aji Kompiang. Ia pedidine magae krana suba atiban kurenane ane madan Made Gelis gelem kencing manis ane tusing seger-seger. Ipidan setonden kurenane gelem ketut puri tusing keweh cara jani, mirib ia pidan ngelah carik apetak, di carike ento kurenane ngubuh bebek, uli geginane ento ia ngidang mretenin kurenan lan pianakne. Nanging jani carike ento suba telah maadep tur pipisne anggona maubad kemu mai, nanging tusing masi seger-seger, tusing ja pipis ne sebetange teken ketut Puri, nanging kurenane tusing seger-seger, yen pipis telah dadi alih, nanging yen seger keweh pesan ngalih, keto ketut puri makeneh.

 neked di tongos magaene jam kutus liwat dasa menit, sing biasa dewekne jam amone mara neked di tongos mage, biasane jam kutus kuang limang menit suba neked di tongos magene. Disubane keto ketut Puri nunas ampura teken Dewa Aji Kompiang sane madabdaban lakar luas ka kantor, ditu lantas Dewa Aji ngrahang tusing kenapa tur ngrahin ngencolang ke ble delod nulungin Gung Biang magarapan. Gegaene ketut Puri ring jerone Dewa Aji  karasaang baat pisan, krana ditu ia malebengan di paon, nyampat, ngepel, ngumbah prabotan, mantin panganggo lan ane lenan. Naging ketut puri stata pageh nyalanin krana tuah gegaene ento ne ngidang nekaang sekaya , keto masi ia dot pesan nyekolahang pianakne setegeh-tegehne, ane jani pianakne masekolah di kelas 4 SD.

Karitaang jani suba sanja jam 4, gegaene suba makejang suud, lantas Gung Biang ngorahin ketut Puri dadi mulih. Joh umah ketut Puri ke tongos magaene tuah petang dasa meter johne. Di pejalan ketut Puri ningalin pipis duang lenbar di tengah bangabang di sisin margane , bangbange ento tusing dalem, laut ngencolang ketut Puri tuun ka bangbange nyemek pise ento, tingaline ane alembar Rp 20.000, tur ane bin alembar Rp 50.000. disubane nyemak pise ento, ia ngecolang menek tur malaib mulih, di pajalan ia lega gati maan pis amonto liune, marasa tumben pesan maan nuduk pis amonto liune. Tur inget tekening pianakne dot pesan meli baju seragam sekolah, karana suba duang tiban tusing taen masalin, tur krana baju seragam punika suba makejang gantut. Keto ketut puri ngenehang lakar mliang baju pianakne. Disubane ia di malun angkul-angkul umahne, ia bengong krana ada montor parkir marep kangin, ia tusing kenal teken anake ane ngelah motor ento.

Disubane ketut puri neked di natah umahne tepukina nak muani dadua mapanganggo rapi-rapi pisan, tur masapatu pantopel. Saget anak muani makedadue ento tolah-tolih, tur tingaline ketut Puri, lantas ank muani ento ngorahang om swastiastu, keto masi ketut puri nyambatang om swastiastu. Ketut puri matakon teken bapak-bapak punika antuk unduk di umahne punika, lantas bapak –bapak ento maekin ketut puri, tur ane bin besikan mukak tas tur ngorahang ketut puri suba duang bulan tusing mayah tagihan listrik. Bapak punika nyerahang duang lembar tagihan listrik, ane alembar matulis Rp 35.000, tur ane bin alembar matulis Rp 30.000, suud mamaca karasa macepol keneh ketut puri krana ulian sebete, ilang suba jani kenehne lakar mliang baju seragam sekolah ane baru, krana pis ane maan nuduk punika lakar bayahanga tagihan listrik sane makesami majumlah Rp 65.000. sebet pesan keneh luh Puri,ngenehang unduk idupne ane lacur buka keto.