Suksma
aturang titiang antuk galah sane prasida katiba ring pasikian titiang , duaning
ring galahe sane becik puniki titiang pingkalih ida dane prasida mapupul lan
masadu ajeng ring genahe puniki. Titiang pinaka panyelidihi ngangganin antuk
ngwacen pidarta ring acara puniki. Pidarta sane pacang titiang wacen niki
mamurda Ngrajegang Gumi Bali.Nanging sadurung nglantur, ngiring sareng sami
nunas pangubakti majeng ring Ida Sang Hyang Widhi Wasa, dumogi majalaran antuk
asung kerta wara nugraha ida, iraga pingkalih ida dane prasida nemuang
kerahayuan lan kerahajengan, majalaran antuk pangastungkara panganjali umat
Om Swastyastu,
Pinihrihin
suksma aturang titiang majeng ring para uleman sane sampun prasida rauh iriki.
Kapertama suksma aturang titiang majeng Ida Pandita sane sampun rauh iriki sane
suiang titiang, Bapak Bupati buleleng sane murdayang titiang, Bapak utawi Ibu
Perbekel sekabupaten buleleng sane sampun mresidayang rauh iriki,sane
kusumayang titiang, selanturnyane Bapak uatawi Ibu staf pegawai sane nenten
mersidayang titiang wacen siki-siki, sane kusumayang titiang, taler masyarakat
sane sampun rauh iriki sane tresna sihin
titiang
Inggih
ida dane sareng sami,iraga sampun uning antuk kaloktahan gumu Bali iraga
niki,napi mawinan asapunika ? ulian gumi Bali iraga niki pinaka genah sane
sampun ngamolihang visa sane akeh ring bidang pariwisata. Wisatawan ring dura
negarane maliah ke bali, pacang nyaksiang kaluihan gumi Baline.
Ida
dane sareng sami, tusing ke iraga eling napi mawinan bom makepluh ring bali
iraga niki, ento ulian gumi Bali iraga mangkin tusing sakadi gumi bali sane
imalu. Gumi bali sane imalu setata pgeh, stata nyalanang swadramane, nanging
mangkin ulian iraga bangga antuk visa lan harta brana, gumi bali iraga niki
sakadi kilangan galang.
Napi
mawinan asapunika ? mangkin akeh pesan bangunan-bangunan sane sakadi
bangunan-bangunan ring dura negara, minakadi diskotik, café,arshop, miwah sane
lianan. Ane imalu genah-genah punika marupa carik, genah ikedis magending,
genah igodogan magirangan nanging mangkin ikedis lan igodogan sampun ngetelang
yeh mata, ulian gumi baline nenten sakadi imalu.sira sane ngawinang ? iraga
sareng sami sane sampun engsap teken swadarman iraga dadi jadma-jadma bali.
Ida
dane sareng sami, yening imalu bajang-bajang, cenik miwah tua, stata nganggen
busana bali, maebok lantang, tur magonjer, pinaka ciri anak luh bali. Nanging
manggin boya ja nganggen kamben sabilang wai, nganggen kamben utawi klambi
rikalaning kapura sampun tan madue etika lan moral. Akeh truna-truni , tua
miwah cening nganggen klambi punika sakadi nganggen “rok mimi” sane sapatutne
klambi punika kaanggen nekepin matan cokor. Keto masi truna, yening kapura,
nganggen destar nenten becik, kamben sakadi anak ngejuk kucit, baju nenten
putih, tur yening sampun ring pura stata macanda. Nika kemorosotan etika lan
moral sane wenten ring gumi bali iraka niki.
Lianan
teken nika, iraga masyarakat bali nenten clana pendek, nenten uning rok mini,
nenten uning baju yukensi, nanging mangkin iraga nulad budaya saking dura negara
nganggen baju sane punika, ngenahang basang, ngenahang pungsed, tur ngenahang
bagian-bagian sane nenten patut kacingakin anak lianan.
Iada
dane sareng sami, nika kemerosotan moral lan etika mangkin, titiang sebet
nyingakin gumi bali sane mangkin, kija luas carik sane asri, kija luas munyin
suling sane jangih ane mangkin sampun masiluman antuk musik-musik ane keras,
nenten sakadi munyin suling ane ngulangunin hati.
Ida
dane sareng sami, ngiring ngrajegang gumi baline, sampunang turis-turis sane
ngubah budaya iraga, nanging iraga sane patut memperkenalkan budaya iraga niki.
Yening wisatawane pacang macelep ring pura patut katakenang napi turis punika
cuntaka napi nenten ? lianan teken nika, patut nganggn busana adat bali,
nganggen kebaya, klambi,miwah anten. Nika sane patut, apang tusing pura iraga
sane pinaka genah suci kaletehang ulih masyarakat dura negarane.
Inggih
ida dane sareng sami, ring galahe mangkin titiang tan panjang atur, nanging
titiang nunas mangda iraga melah nyaga gumi Bali iraga niki, yening tan iraga
nyaga gumi Bali, sira malih sane pacang nyaga tur ngelestariang. Gumi bali
rahajeng, kebudayaan, adat istiadat, bahasa, miwah agama patut iraga pagehang,
apang tusing aluh kahasut olih kebudayaan luar sane nenten becik.
Inggih
wantah asapunika sane pacang aturang titiang, yening titiang madue keiwangan
rikalaning titiang matur, titiang nunas geng rena sinampuara,titiang puputang
antuk parama santih
Om santih, santih, santih Om
Tidak ada komentar:
Posting Komentar